Լիբիայի Ազգային Կոնգրեսն (խորհրդարան) ընդունել է օրինագիծ, ըստ որի երկրում պաշտոնապես կհրաժարվեն «մեծ ջամահիրիա» անվանումից, քանի որ դա անմիջականորեն կապվում է նախկին առաջնորդ Մուամար Քադաֆիի հետ: Այս մասին հաղորդում է Al-Sharq Al-Awsat թերթը:
Փոխարենը Կոնգրեսն ընտրել է երկրի համար ժամանակավոր անվանում՝ «Լիբիայի պետություն», որը հին անվանը կփոխարինի սահմանադրության ընդունումից հետո:
Երկրի ամբողջական անվանումը՝ «Մեծ սոցիալիստական ժողովրդական լիբիական արաբական պետություն», հաստատվել էր 1986թ. Քադաֆիի կողմից: Նախքան օրինագծի ընդունումը այս անվանումն օգտագործվում էր մի շարք պաշտոնական փաստաթղթերում, ինչպես նաև թղթադրամների ու մետաղադրամների վրա:
