Մեր զրուցակիցն է ԳԱԱ պատմության ինստիտուտի տնօրեն Աշոտ Մելքոնյանը
-Պարոն Մելքոնյան, Էթյեն Մահչուփյանը հայտարարել է, որ Հայոց ցեղասպանության 100-րդ տարելիցին Էրդողանը չի մասնակցի և հայ-թուրքական հարաբերությունները փոխըմբռնման ուղղված կլինեն 2016-ից ոչ շուտ: Ինչո՞ւ Մահչուփյանը պաշտոն ստացավ հենց հարյուրամյա տարելիցին ընդառաջ:
–Առնվազ հինսուն տարվա թուրքական մերժողականության քաղաքականությունն իրեն սպառեց: Այսինքն՝ այդքան ակնհայտ մասշտաբային իրողության հերքումը, մերժումը աշխարհի համար դարձել էր ծիծաղելի, և, առհասարակ, տարբեր հարթություններում քաղաքակիրթ աշխարհը նորմալ չէր ընդունում թուրքերին: Այդ իմաստով պետք էր նոր մոտեցում, թուրքերը բազմիցս դա արեցին, հայ-թուրքական հաշտեցման հանձնաժողով ստեղծեցին, հետո արձանագրությունների խնդիր մեջտեղ բերեցին և հիմա արդեն այդ քաղաքականությունն իրեն սպառել է: Մերժողական կեցվածքով աշխարհին ներկայանալ 100-ամյակին, այլևս հնարավոր չէր, և դրանցից մեկը ընթացիկ տարվա ապրիլի 24-ի նախօրեին Էրդողանի այսպես՝ կիսամեղայական ելույթն էր՝ կապված այն բանի հետ, որ 1915 թվականին տեղի են ունեցել ողբերգական իրադարձություններ ինչպես հայերի, այնպես էլ մահմեդականների հետ:
Հաջորդ քայլը Մահչուփյանի նշանակումն էր՝ ցույց տալու համար, որ իրենք ժողովրդավար երկիր են, որ նույնիսկ հայերին, ինչպես Օսմանյան կայսրությունում, իշխանական առաջին օղակներում տեսնելու պատրաստակամություն ունեն: Սա հերթական շիրմա է, ծածկույթ, որի տակ նրանք փորձում են իրենց քաղաքականությունն առաջ տանել: Եվ յուրահատուկ ձևով այս հայ գործիչը դարձավ թուրքական մերժողականության նոր դրսևորման խոսափողը և փորձեց մեղմել հայրուրամյակի շրջանակներում հայկական կողմի այս վճռական մոտեցումները՝ 100-ամյակին նաև պահանջատիրական խնդիրներ առաջադրելու տեսանկյունից:
Ավելին՝ տեսանյութում: