Սիրտը մարդու մարմնի կարևոր օրգանն է, և ցանկացած աննշան թվացող խնդիր կարող է հանգեցնել անդառնալի հետևանքների:
Տարատեսակ խնդիրներից մեկը առիթմիան է: Առիթմիաների բուժման մեթոդները տարբեր են՝ կախված դրա տեսակից: Հատկապես նախասրտային, վերփորոքային պարոքսիզմալ տախիկարդիաների դեպքում բուժումը կարող է լինել արմատական՝ խոսքը ռադիոհաճախական աբլյացիայի մասին է:
Աբլյացիան միջամտական գործողություն է, որի ժամանակ նուրբ կատետրների օգնությամբ ներսրտային ճանապարհով հնարավոր է լինում գտնել առիթմիայի օջախը և բարձր ջերմաստիճանի օգնությամբ այրել այն:
Այս հիվանդությունը սակավ հանդիպող է: Մեկ միլիոն բնակչությունից ամբողջ աշխարհում տարեկան վիրահատվում է 1-5 հիվանդ:
Վիրահատությունը կատարում է «Էրեբունի» բժշկական կենտրոնի առիթմոլոգիական սրտաբանական կենտրոնի ղեկավար, սրտաբան-առիթմոլոգ Լուսինե Մխիթարյանը:
