Երեկ ադրբեջանական կողմը ԼՂՀ սահմանին խոցել է ղարաբաղյան զինուժին պատկանող ռազմական ուղղաթիռը, որը երեք օդաչուների մահվան պատճառ է դարձել: «Առաջին լրատվականն» այսօր Հայաստանում ԱՄՆ դեսպան Ջոն Հեֆերնին խնդրեց մեկնաբանել կատարվածը:
Դեսպանը նշեց, թե որպես ԵԱՀԿ Մինսկի խմբի համանախագահող երկիր՝ Միացյալ Նահանգները հայտարարություն է արել, որ կատարվածը սարսափելի ողբերգություն է:
«Մենք մեր ցավակցություններն ենք հայտնում երեք օդաչուների ընտանիքներին, որոնք ակնհայտորեն զոհվել են խոցված ինքնաթիռի պայթյունի պատճառով: Մենք պնդում ենք, որ այս հարցին տրվի խաղաղ լուծում: Եվ սա նորից գալիս է ապացուցելու, որ խնդրի լուծումը պետք է խաղաղ լինի: Մենք երկու կողմերին էլ կոչ ենք անում չսրել իրավիճակը, շարունակել բանակցությունները և գտնել լուծում, որ այս երկար շարունակվող կոնֆլիկտը երկու կողմերին էլ շահավետ լուծում տա»,-նշեց դեսպանը: