«Ստեփանակերտի օդանավակայանը ամբողջ տեմպով կառուցվում է»,- այդ մասին «Առաջին լրատվականի» հետ զրույցում այսօր հայտարարեց ԼՂՀ կառավարությանն առընթեր Քաղաքացիական ավիացիայի վարչության (ՔԱՎ) աշխատակազմի ղեկավար Դմիտրի Ադբաշյանը: Այդուհանդերձ, վերջինս դժվարացավ պատասխանել այն հարցին, թե կոնկրետ երբ օդանավակայանն ամբողջությամբ պատրաստ կլինի: Ադբաշյանը դա պայմանավորեց նրանով, որ սարքավորումներ կան, որոնք պատվիրվել են արտասահմանից, եւ որոնց բերելն ու տեղադրելը բավական երկար ժամանակ են պահանջում: Դմիտրի Ադբաշյանը տեղեկացրեց նաեւ, որ մինչեւ այժմ օդանավակայանի վերակառուցման համար արդեն իսկ ծախսվել է մոտ 5 մլն դոլար գումար: Վերջնական ծախսերը դեռ հստակեցված չեն:
