«Այո, ինչ-որ չափով համամիտ եմ, որ բանակը արտացոլանքն է նաև մեր հասարակության»,- այս մասին մեզ հետ զրույցում ասաց Շուշիի առանձնակի գումարտակի հրամանատար Ժիրայր Սեֆիլյանը։
Նրա համոզմամբ, այսօր, առանց ամբողջական համակարգային փոփոխությունների, միայն բանակը առողջացնել հնարավոր չէ։
«Միաժամանակ ասեմ, որ եթե վերևներում բանակը առողջացնելու քաղաքական կամք լինի, հնարավոր է շատ ավելի լավ բանակ ունենալ, քան մենք ունենք այսօր։ Առաջին հերթին երկրի ներսում պետք է տիրի արդար իրավիճակ։
Իսկ այսօրվա բևեռացումը, որ գոյություն ունի գերհարուստների և գերաղքատների միջև, թույլ չի տալիս հզորացնել բանակը»,- ավելացրեց Ժիրայր Սեֆիլյանը։
