Der Spiegel-ը, հղում կատարելով իր հավաստի աղբյուրներին, հայտնում է` հնարավոր է, որ «Մոսադն» անցյալ ամիս առևանգել է պաղեստինցի ինժեներ Դիրար Աբու Սիսիին, քանի որ կարծում է, որ վերջինս կապրալ Գիլադ Շալիթին վերաբերող տեղեկություն ունի:
Տեղեկացնենք, որ կապրալ Գիլադ Շալիթը մի քանի տարի առաջ առևանգվել է «Համասի» կողմից և պատանդված է նրանց մոտ:
Իր աղբյուրից մեջբերում կատարելով` Der Spiegel-ը գրում է, որ Իսրայելը Աբու Սիսիին «Համասի» համար կարևոր անդամ է համարում, որը նաև գաղտնի տեղեկություններ ստանալու հնարավորություն ունի:
«Եթե «Մոսադը» նման ծախսերի է գնում և վեց շաբաթ շարունակ հարցաքննում է մի մարդու, նշանակում է` նա այնպիսի տեղեկության է տիրապետում, որն Իսրայելն անպայման ցանկանում է ստանալ»,- գրում է թերթը:
Աբու Սիսին, որը Գազայի շրջանի էլեկտրակայաններից մեկի տնօրենն է, հայտարարել է, որ ոչ մի կապ չունի «Համասի» հետ: