Թուրքական Anadolu գործակալության հաղորդմամբ, «Ազգայնական շարժում» կուսակցության (ԱՇԿ) փոխնախագահ Բյուլենթ Դիդինմեզը Մալաթիայում սուր քննադատության է ենթարկել վարչապետ Էրդողանի գլխավորած «Արդարություն ու զարգացում» կուսակցությանը (ԱԶԿ).
«ԱԶԿ-ի իշխանությունը մոտենում է իր ավարտին: Վարչապետ Էրդողանն ու նրա մերձակա շրջապատը հայտարարում են, որ ԱԶԿ-ի կառավարման 8 տարիների ընթացքում Թուրքիայում այնքան շատ բան է արվել, ինչ չի արվել դրան նախորդած 80 տարիների ընթացքում:
Իրականում այդ 8 տարիների ընթացքում Թուրքիային խոր վերք է հասցվել: Փորձեր են ձեռնարկվել թուրք ազգի մենթալիտետը փոխելու ուղղությամբ: Սեփական ժողովրդի շահերով առաջնորդվելու փոխարեն, Էրդողանն առաջնորդվում է միջազգային հանրության շահերով, անտեսում է Թուրքիայի Հանրապետության շահերը` փոխարենը նախապատվություն տալով Հայաստանի, Հունաստանի, ԱՄՆ-ի ու Գերմանիայի շահերին»:
Հիշեցնենք, որ ԱԶԿ-ն Թուրքիայում իշխանության է եկել 2002 թվականի նոյեմբերին, և նրա կառավարման գրեթե 8.5 տարիների արդյունքում Թուրքիայի Հանրապետությունն իր գոյության ավելի քան 87-ամյա տարիների ընթացքում հասել է իր հզորության գագաթնակետին և ավելի առաջ է շարժվում:
