2013թ.-ին տեղի ունենալիք Բունդեստագի ընտրությունների նախաշեմին Գերմանիայի բնակիչների գրեթե կեսը չի հավատում իշխանական կոալիցիայի կենսունակությանը: Այս մասին են վկայում Bild հրատարակչության պատվերով անցկացված հարցումները:
Հարցվածների 48.4%-ը չի հավատում, որ Քրիստոնեա-դեմոկրատների միության, Քրիստոնեա-սոցիալիստների միության և Ազատ դեմոկրատական կուսակցության կողմից կազմված կոալիցիան ընտրություններից հետո կմնա իշխանության: Միայն հարցվածների 26.4%-ն է կարծում, որ նրանք ընտրվելու հնարավորություն ունեն:
Ըստ հարցումների` Գերմանիայի կանցլերի պաշտոնի համար առաջադրված երկու թեկնածուներից՝ Անգելա Մերկելից և սոցիալ-դեմոկրատ Պեր Շտայնբրյուկից Գերմանիայի բնակիչները նախապատվությունը տալիս են այժմյան կանցլեր Մերկելին: Հարցվածների 36%-ը նրան ավելի շատ է վստահում, քան Շտայնբրյուկին: Գերմանիայի բնակիչների 18%-ը, ընդհակառակը, վստահում է Սոցիալ-դեմոկրատական կուսակցության ներկայացուցչին: Այս մասին է գրում DW.de-ն:
Հիշեցնենք, որ Բունդեստագի ընտրությունները կայանալու են 2013թ.-ի աշնանը: Նշենք, որ Շտայնբրյուկը համարվում է Անգելա Մերկելի գլխավոր մրցակիցը: