ԱԻՆ. Տեղեկագիր

ՀՐԴԵՀՆԵՐ
Մարտի 29-ին՝ժամը 14.35-ին, ահազանգ է ստացվել, որ հրդեհ է բռնկվել Վանաձոր քաղաքի Համբարձումյան փողոցի թիվ 17 շենքի հարակից տարածքում:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 15.10-ին, մարվել`16.05-ին:
Այրվել է 5000 քմ մակերեսով խոտածածկ տարածք:

…
Նույն օրը՝ժամը 14.53-ին, ահազանգ է ստացվել, որ հրդեհ է բռնկվել Գեղարքունիքի մարզի Գավառ քաղաքի Շահումյան փողոցի թիվ 2 տանը:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 15.07-ին, մարվել`15.18-ին:
Ֆ.Սարգսյանի տան բակում այրվել է պահեստավորված 60 հակ անասնակեր:

…
Նույն օրը՝ժամը 15.39-ին, ահազանգ է ստացվել, որ հրդեհ է բռնկվել Երևան քաղաքի Արին-Բերդի փողոցի 5-րդ նրբանցքի թիվ 4/3 հասցեում` պտուղ-բանջարեղենի չգործող սառնարանում:
Դեպքի վայր են մեկնել երկու մարտական հաշվարկ և ճգնաժամային կառավարման կենտրոնի օպերատիվ խումբը:
Հրդեհը մեկուսացվել է ժամը 16.50-ին, մարվել`18.08-ին:
Այրվել է սառնարանի ջերմամեկուսիչ շերտը 100քմ մակերեսով:

…
Նույն օրը՝ժամը 17.41-ին, ահազանգ է ստացվել, որ հրդեհ է բռնկվել Վայոց ձորում՝ Եղեգնաձոր-Վայք ավտոճանապարհի 13-րդ կմ-ի հարակից տարածքում:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 17.53-ին, մարվել` 18.04-ին:
Այրվել է 2000քմ մակերեսով խոտածածկ տարածք:

ԽՑԱՆՎԵԼ ԷՐ ՍԵԼԱՎԱՏԱՐԸ
Մարտի 29-ին՝ժամը 19.05-ին , տեղեկատվություն է ստացվել, որ Արագածոտնի մարզի Կանիաշիր (նախկին Սանգյառ) գյուղում ձնհալից առաջացած ջրերը ողողել են 5 տների նկուղային հարկերը:
Դեպքի վայր է մեկնել մարզային փրկարական վարչության օպերատիվ խումբը:
Տեղում պարզվել է, որ ողողման պատճառ է հանդիսացել խցանված սելավատարից թափված ջրերը:

ԿԱՆԽՎԵԼ Է
Մարտի 29-ին՝ժամը 22.55-ին, ահազանգ է ստացվել, որ Երևան քաղաքի Իսակովի պողոտայի և Բաբաջանյան փողոցների խաչմերուկում` կամրջից քաղաքացի է ուզում վայր նետվել:
Դեպքի վայր է մեկնել ճգնաժամային կառավարման կենտրոնի օպերատիվ խումբը:
Օպերատիվ խմբի և քաղաքացիների համատեղ գործողությունների շնորհիվ կանխվել է Երևան քաղաքի Շիրակի փողոցի թիվ 66 շենքի 35-րդ բնակարանի բնակիչ, 1944թ.-ին ծնված Մարիամ Ասլանյանի ինքնասպանության փորձը: