Քաղաքացիական հասարակության ինստիտուտն այսօր կազմակերպել էր քննարկում՝ պայմանական վաղակետ ազատ արձակման թեմայով, որին մասնակցում էին շահագրգիռ կողմեր՝ արդարադատության նախարարությունից, քրեակատարողական վարչությունից և հասարակական սեկտորից:
Քննարկման ժամանակ արդարադատության նախարարության ներկայացուցիչն ասաց, որ մանրամասն վերլուծվել է ստեղծված վիճակը, որից հետո նախարարությունը մշակել է պայմանական վաղաժամկետ ազատ արձակման չափանիշների ներդրման վերաբերյալ փաթեթ, որն առաջիկայում կդրվի քննարկման և կուղարկվի շահագրգիռ կողմերին: Նախարարության ներկայացուցիչը, սակայն, չմանրամասնեց, թե կոնկրետ ինչ չափանիշներ են ներդրվելու:
Քաղաքացիական հասարակության ինստիտուտի նախագահ Արման Դանիելյանը նախարարության կողմից տեսնում է պատրաստակամություն՝ լուծելու այս խնդիրը: «Այս պարագայում մենք գտնում ենք, որ համակարգը պետք է ամբողջությամբ փոխվի, նոր մարմիններ ստեղծվեն, քանի որ այսօր մենք առաջնորդվում ենք խորհրդային մոդելով, որը որ չի գործում:
Մենք հիմա առաջարկում ենք, որ առավել մեծ պատասխանատվություն դրվի դատապարտյալի վրա, դատապարտյալն ինքը պետք է որոշի՝ պատրա՞ստ է պայմանական վաղակետ ազատ արձակման, թե՞ ոչ»,- ասաց Դանիելյանը:
Առավել մանրամասն՝ տեսանյութում:
