Facebook սոցիալական ցանցի ղեկավարությունը որոշում է կայացրել փակել այն խումբը, որտեղ պաղեստինցիներին կոչ էր արվում ապստամբություն սկսել Իսրայելի դեմ: Այս մասին հաղորդում է BBC-ն: Խումբը կրում էր «Երրորդ պաղեստինյան ինթիֆադա» անունը և երեք շաբաթում հավաքել էր ավելի քան 350 հազար անդամ:
Անցած շաբաթ Իսրայելի տեղեկատվության նախարար Յուլիյ Էդելշտեյնը դիմել էր Facebook սոցիալական ցանցի հիմնադիր Մարկ Ցուկերբերգին` կոչ անելով անհապաղ արգելափակել այդ էջը: Սակայն սոցիալական ցանցի ներկայացուցիչը նշել է, որ խմբի փակման հիմք են հանդիսացել ոչ թե իսրայելական կողմի պահանջները, այլ բռնության կոչերը, որոնք պարբերաբար հրապարակվում էին այդ խմբի էջերում:
Տեղեկացնենք, որ «ինթիֆադա» արաբերենից թարգմանաբար նշանակում է ձերբազատում. Այսպես են անվանվել պաղեստինցիների երկու ընդվզումները ընդդեմ Իսրայելի, որոնք տեղի են ունեցել 1987 և 2000 թթ.: