Thursday, 28 03 2024
Վաշինգտոնի արձագանքը Բաքվի շանտաժին
14:50
Գազայի հիվանդանոցների ⅔-ը չեն գործում. ՄԱԿ
«Մանրամասներ»․ Դավիթ Ստեփանյանի հետ
Ապրիլի 5-ը թույլ չի տա իրագործել ՀՀ-ն կազմաքանդելու ռուս-թուրք-ադրբեջանական համաձայնությունը
14:30
ԱՄՆ-ն պատժամիջոցներ է սահմանել մի շարք ընկերությունների նկատմամբ՝ Հյուսիսային Կորեայի հետ կապերի համար
Վրացի խորհրդարանականներն այցելել են Ծիծեռնակաբերդ
14:02
IoT լաբորատորիա` Հայաստանի ազգային պոլիտեխնիկական համալսարանում
14:00
Live. «Առաջին լրատվական» տեղեկատվական-վերլուծական կենտրոն
Լուրերի օրվա թողարկում 14:00
Պուտինը հայտարարել է, որ Ուկրաինային մատակարարված F-16-երն օրինական թիրախ կդառնան՝ անկախ դրանց գտնվելու վայրից
13:30
ՀԱՊԿ գլխավոր քարտուղարն ընդգծել է, որ Հայաստանը մնում է կազմակերպության դաշնակիցը
«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին
ФСБ-ի օպերատիվ-հետախուզական աշխատանքները ՀՀ-ում շարունակվում են. Արթուր Սաքունց
«Հայաստանը վերածվել է Արևմուտքի վտանգավոր գործիքի». Զախարովա
13:00
Ուկրաինական նոր օրենքը խտրականություն է դնում ռուսալեզուների, հայալեզուների ու գնչուների նկատմամբ
Քննչական կոմիտեի վետերանները հանդիպել են նորանշանակ քննիչներին
ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք
Անհրաժեշտ է անցկացնել հանրաքվե Խզմալյանի 3 առաջարկները
Ճանապարհային քարտեզն ազատագրման քարտեզ է. Ազատ Արշակյան
Գազայի գոտի մարդասիրական օգնություն հասցնելու համար մեզ Եգիպտոսի աջակցությունն է պետք. Փաշինյան
12:30
ԱՄԷ-ի և Եգիպտոսի ռազմաօդային ուժերն օդային ճանապարհով օգնության խոշորագույն խմբաքանակն են հասցրել Գազայի հատված
Ցանկացած գործունեություն, որը հետ կպահի ժողովրդավարական գործընթացներից՝ կարժանանա կոշտ դիմադրության
Երկարացվեց Արցախցիներին տրվող 40+10 հազար դրամ աջակցության ժամկետը
«ՀՀ-ում կա մեկ կառավարություն և նստած է այս դահլիճում». Փաշինըանը՝ «վտարանդի կառավարության» մասին
Պուտինը զառանցանք է անվանել ՌԴ կողմից ՆԱՏՕ-ի վրա հարձակումը
Լուրերի օրվա թողարկում 12։00
ԿԳՄՍ նախարարի տեղակալը Գվինեայի դեսպանի հետ քննարկել է կրթության, գիտության, մշակույթի, սպորտի ոլորտներում համագործակցության զարգացման հեռանկարները
ՌԴ ԱԳՆ-ում Ադրբեջանի խոսնակը
11:50
Հայաստանը վերջին շրջանում չի մասնակցում ՀԱՊԿ-ի աշխատանքներին. Իմանղալի Թասմաղամբետով
«Ֆրանսիան Հայաստանին դրդում է հերթական պատերազմի». Ադրբեջանի ՊԱԾ տնօրեն

Շանը չկերակրելու համար Սլավիկը Գագիկին ծնող է հայհոյել, Գագիկն էլ 4 անգամ մուրճով խփել է Սլավիկի գլխին

Վերաքննիչ քրեական դատարանի վարույթում է Գագիկ Հարությունյանի գործով բերված վերաքննիչ բողոքի քննությունը:

Գործը քննվել է Կենտրոն և Նորք-Մարաշ վարչական շրջանների ընդհանուր իրավասության դատարանում Արշակ Վարդանյանի նախագահությամբ:

Գագիկ Հարությունյանը մեղավոր է ճանաչվել Սլավիկ Բուդոյանի գլխին մուրճով 4 անգամ դիտավորյալ հարվածելու, նրա առողջությանը ծանր վնաս պատճառելու համար՝ ՀՀ քրեական օրենսգրքի 112 հոդվածի 1-ին մասով:

Ըստ դատական ակտի՝ 54-ամյա Գագիկը և տուժող Սլավիկը որպես բանվոր մասնավոր հիմունքներով աշխատել են Ռ. Ս.-ի մոտ:

2014 թվականի ապրիլի 1-ի առավոտյան, ժամը 8-ի սահմաններում նրանք վիճել են… շանը կերակրելու հարցով: Վեճն ավարտվել է տուժողի գլխին իջեցված մուրճի հարվածներով:
Ընդհանուր իրավասության դատարանում Գագիկ Հարությունյանն իրեն մեղավոր է ճանաչել, ընդունել է, որ Սլավիկի վնասվածքներն ինքն է պատճառել:

Նա հայտնել է՝ թեև չի հիշում, թե քանի անգամ է հարվածել, բայց չի բացառում, որ հարվածած լինի հենց չորս անգամ:

Գագիկը հայտնել է, որ մոտ երկու տարի աշխատել է հացի արտադրամասում, կատարել է բանվորի աշխատանք: Դրա հետ մեկտեղ խնամել ու կերակրել է հարակից կիսակառույցում պահվող շանը: Սլավիկն էլ է հացի արտադրամասում որպես բանվոր աշխատել:

Դեպքի օրվա առավոտյան Սլավիկը զանգել է իր բջջային հեռախոսին ու հարցրել է, թե ինչո՞ւ ինքը շանը չի կերակրել, ջուր չի տվել: Ինքն ասել է, որ կերակրել է, հետո էլ ավելացրել է. «Քո ի՞նչ գործն ա՝ շներին կերակրել եմ, թե չէ»:

Որոշ ժամանակ հետո Սլավիկը ձայն է տվել, ինքը տնակից դուրս է եկել:

Սլավիկը հարցրել է՝ ինչո՞ւ է ինքը նրան ծնող հայհոյել: Բայց ինքը չի ընդունել, վիճաբանությունից խուսափելու համար նրան առաջարկել է հեռանալ:

Սլավիկն իրեն հայհոյել է: Ինքն էլ զայրացել է, չի դիմացել, մտել է տնակ, վերցրել է միջին չափի մուրճն ու դրանով մի քանի անգամ հարվածել է Սլավիկի գլխին: Բայց երբ տեսել է, որ նրա գլխից արյուն է գալիս, ասել է, թե գնում է շտապօգնություն կանչելու: Հեռացել է ավտոկայանի ուղղությամբ: Տեսել է՝ շտապօգնության մեքենա չկա: Վազելով հետ է եկել, տեսել է, որ Սլավիկը հացի արտադրամասի կողքի շինության մոտ է, նրա շուրջը ճանապարհային ոստիկանության աշխատողներ են հավաքվել:

Սլավիկի գլխին հարվածելուց հետո մուրճը նետել է իր տնակի հետևին գտնվող ջրանցքը:

Գագիկ Հարությունյանը պնդել է, թե չի հայհոյել տուժողին, ընդամենը ասել է. «Խմել ես, անառակ»: Մուրճով խփել է, որովհետև Սլավիկն է իրեն հայհոյել ու խիստ զայրացրել:

Ըստ ամբաստանյալի՝ Սլավիկը մինչ այդ պարբերաբար իրեն զանգել ու անհանգստացրել է, մինչդեռ շանը կերակրելը չէր մտնում իր պարտականությունների մեջ:

Գագիկն ասել է, թե մինչև դեպքն էլ իր ու Սլավիկի միջև հակակրանք է եղել, անընդհատ վիճել են:

Տուժողը նույնպես ասել է, թե ինքն ու Գագիկը հաճախ են վիճել, բայց մշտապես հաշտվել են, իրար չեն խփել:

Քանի որ Գագիկը պարտավորվել էր կերակրել շանը, դեպքի առավոտյան ինքը զանգել է, որ հարցնի՝ ինչո՞ւ շանը չի կերակրել: Սակայն Գագիկն իրեն կոպիտ է պատասխանել, ասել է՝ ինչո՞ւ ես մանրուք հարցերով անհանգստացնում, քո գործը չի՝ կերակրել եմ, ջուր տվել եմ շանը, թե՝ չէ, հետո էլ ծնող է հայհոյել:

Ինքն այդ պահին արդեն Գագիկի տնակի մոտ էր: Ձայն է տվել նրան, նա էլ ներսից ասել է՝ գալիս եմ: Նրան սպասելիս ինքը հանկարծ գլխին երկու ուժեղ հարված է զգացել: Շրջվել ու տեսել է, որ Գագիկն է մուրճով խփում: Նա ևս երկու հարված է հասցրել իր գլխին: Արյուն է եկել: Ինքն ընկել ու կորցրել է գիտակցությունը:

Հետո մի պահ ուշքի է եկել, քայլել է դեպի հացի արտադրամաս: Նստել է քարե պատի մոտ: Քիչ հետո մոտեցել են ճանապարհային ոստիկանության աշխատողները: Ինքը նորից կորցրել է գիտակցությունը, չի հիշում, թե իրեն ինչպես են տեղափոխել հիվանդանոց:

Տուժողը նշել է, որ Գագիկ Հարությունյանը մասամբ՝ 100 հազար դրամի չափով է հատուցել իր բուժման ծախսերը: Սակայն ներկայումս ինքը շարունակում է բուժվել, իր առողջական վիճակից ելնելով՝ չի կարողանում աշխատել:

Տուժողը խնդրել է Գագիկ Հարությունյանի նկատմամբ հնարավորինս խիստ պատիժ սահմանել:

Վկա Իվան Թ.-ն հայտնել է, որ Գագիկ Հարությունյանը տուն չի ունեցել, դրա համար նրան են հատկացրել Թաիրով փողոցում գործող հացի արտադրամասի հարևանությամբ գտնվող մետաղե տնակը:

Տուժող Սլավիկը, ըստ դատաբժշկական փորձաքննության եզրակացության, ստացել է բաց, բութ գանգուղեղային վնասվածք՝ գլխուղեղի միջին աստիճանի սալջարդ, գլխի շրջանի սալջարդ վերքեր, կողմնաոսկրի և ծոծրակոսկրի բեկորային, ներհրված կոտրվածքներ, որոնք առաջացրել են առողջության ծանր վնաս:

Դատարանը Գագիկ Հարությունյանի պատասխանատվությունն ու պատիժը ծանրացնող հանգամանք է գնահատել հանցագործությունների կատարման վտանգավոր ռեցիդիվը: Հարությունյանը նախկինում չորս անգամ դատվել է, հիմնականում դատվել է խուլիգանության համար, դատվածությունները մարված չեն:

Գագիկ Հարությունյանը մեղավոր է ճանաչվել տուժողի առողջությանը դիտավորությամբ ծանր վնաս հասցնելու համար և դատապարտվել է 5 տարի ազատազրկման: Պատժի սկիզբը՝ 2014 թվականի հունիսի 5-ից:

Դատավճռի դեմ վերաքննիչ բողոք է բերել ամբաստանյալ Գագիկ Հարությունյանը՝ խնդրելով իր նկատմամբ նշանակել օրենքով սահմանված պատժի նվազագույն չափից ավելի մեղմ պատիժ կամ՝ ավելի մեղմ պատժատեսակ:

Բաժիններ
Ուղիղ
Լրահոս
Որոնում