Ուսումնասիրությունները ցույց են տալիս, որ համացանցից օգտվողներն ավելի շատ ժամանակ են սկսել անցկացնել այնպիսի սոցիալական ցանցերում, ինչպիսիք են Facebook-ը եւ LinkedIn-ը, որոնք գերիշխող դիրք են սկսում զբաղեցնել շուկայում: Այսպիսի արագ զարգացող շուկաներում, ինչպիսիք ենք Լատինական Ամերիկան, Մերձավոր արեւելքը եւ Չինաստանը, սոցիալական ցանցերում այցելուները հիմնականում անցկացնում են շաբաթական 5.2 ժամ, իսկ նամակներ ստուգելու համար ծախսվում է 4 ժամ: Ավելի կայացած շուկաներում այդ թվերը հետեւյալն են. նամակներ ստուգելու համար ծախսվում է 5.1 ժամ, իսկ սոցիալական ցանցերին հատկացվում է 3.8 ժամ: Սոցիալական ցանցերում ավելի շատ ժամանակ անցկացնում են Մալազիայում` 9 ժամ, Ռուսաստանում ` 8.1 ժամ, Թուրքիայում` 7.7 ժամ:
Ինչ վերաբերում է սոցիալական ցանցերում ընկերների քանակին, ապա այստեղ էլ առաջատարների դիրքերում մալազիացիներն են` 233 ընկեր, որոնց հաջորդում են բրազիլացիները` 231 ընկեր: Ամենաքիչ ընկերներ ունեն ճապոնացիները` 29: Տարօրինակ է, որ չինացիները, որոնք ամենաշատն են օգտվում համացանցից, ունեն ընդամենը 68 ընկեր: Սա մշակութային առանձնահատկություն ունի. «ավելի քիչ, բայց մտերիմ» սկզբունքն առաջնային է: