Եթե որևէ պաշտոնական փաստաթուղթ չկա, հնարավոր է՝ այդ կինը ինչ-որ բանից նեղված է եղել և նման հայտարարություններ է արել։ Հետևաբար, պետք չէ նման հայտարարությունները բարձր ամբիոններից մեկնաբանել։ Այս մասին մեզ հետ զրույցում ասաց ԱԺ ՀՀԿ-ական պատգամավոր Հովհաննես Սահակյանը՝ արձագանքելով հարցին, թե կուսակցությունը արդյոք քայլեր ձեռնարկելո՞ւ է եղելությանը ծանոթանալու և այդ սպառնալիքները կանխելու առումով։
Հիշեցնենք՝ ամիսներ շարունակ ՀՀ ԱԺ հանրապետական պատգամավոր Զոհրաբ Զոհրաբյանը, պարտքերի տակ կքած, զբաղվել է ալֆոնսությամբ: Կարճ ժամանակ առաջ www.persons.am կայքէջում Զոհրաբ Զոհրաբյանի կենսագրականի տակ տեղ գտած կարծիքներում հայտնվել էր հետևյալ գրառումը. «Այս պարոնը ձեզի սեր կպատմե, հետո կուլա, որ փող չունի, հետո կգցե, զգույշ, տիկիններ, ինձ պես մի եղեք»,- գրել էր «Փարիզյան սուրճ»-ի տնօրեն Վալերի-Աշխեն Գործունյանը: Սակայն կարճ ժամանակ անց տողերն անհետացել են Զոհրաբ Զոհրաբյանի` Գործունյանին սպանելու սպառնալիքների արդյունքում:
Իսկ արդեն այսօր՝ ժամը 13-00-ի սահմաններում, ՀՀԿ պատգամավոր Զոհրաբ Զոհրաբյանը, որն այս պահին գտնվում է Ռուսաստանի Դաշնությունում, զանգահարել է Աշխեն-Վալերի Գործունյանին և ահաբեկել` ասելով. «Այսօր մինչև գիշեր դու և տղադ դիակ կդառնաք»: