Վրացական apsny.ge կայքի հաղորդմամբ, Վրաստանի նախկին նախագահ Էդուարդ Շևարնաձեն հայտարարել է, որ նախագահ Միխեիլ Սաակաշվիլիին դեռ չի համարում բռնապետ.
«Սաակաշվիլին դեռևս արժանի չէ բռնապետ կոչվելուն: Բայց եթե նա դեռ երկար ժամանակ մնա իր ներկայիս պաշտոնում, ապա նրա մոտ կարող են ի հայտ գալ բռնապետական հատկություններ»:
Նշվում է, որ Սաակաշվիլիի նախագահական լիազորությունների ժամկետն ավարտվում է 2013 թվականին, և նա բազմիցս հայտարարել է, որ դրանից հետո կհեռանա զբաղեցրած պաշտոնից:
Չնայած դրան` վրացական ըննդիմությունը կարծում է, որ Սաակաշվիլին կարող է դառնալ Վրաստանի վարչապետ, որի լիազորությունները, 2013 թվականից սկսած, ընդլայնվում են, կամ էլ խորհրդարանի խոսնակ և ռեալ կերպ պահպանել իր իշխանությունը երկրում: