Մարտի 28-ին՝ ժամը 16.00-ին, ոստիկանության Արարատի բաժնի ծառայողները Ավշար գյուղից բերման են ենթարկել 22-ամյա Արարատ Գ.-ին, որը ս/թ փետրվարի 2-ից հետախուզվում էր դիտավորությամբ առողջությանը ծանր վնաս պատճառելու մեղադրանքով:
* * *
Մարտի 28-ին ոստիկանության Վաղարշապատի բաժնի ծառայողները բերման են ենթարկել 4 անձանց, որոնք ս/թ մարտի 24-ից և 25-ից հետախուզվում էին պատժի կրումից խուսափելու համար:
* * *
Մարտի 28-ին՝ ժամը 18.15-ին, ոստիկանության Վաղարշապատի բաժնի ծառայողները Էջմիածին քաղաքից բերման են ենթարկել 26-ամյա Արմեն Մ.-ին, որը ս/թ հունվարի 26-ից հետախուզվում էր մարդուն առևանգելու մեղադրանքով:
Խանութից գողություն էր կատարել
Մարտի 28-ին՝ ժամը 12.00-ին, ոստիկանության Մաշտոցի բաժնի ծառայողները, գողություն կատարելու կասկածանքով, բերման են ենթարկել 20-ամյա Ռոբերտ Հ.-ին: Պարզվել է, որ նա ս/թ մարտի 24-ի գիշերը, պատուհանի ապակին կոտրելով, 16-րդ թաղամասի թիվ 18 շենքի առաջին հարկում գտնվող խանութից գողություն է կատարել:
Գողոնը մասամբ առգրավված է:
Կատարվում է նախաքննություն:
Վրաերթ Տիչինայի փողոցում
Մարտի 27-ին՝ ժամը 15.10-ին, ոստիկանության Մալաթիայի բաժնում հաղորդում է ստացվել, որ թիվ 19 պոլիկլինիկայի մոտ անհայտ ավտոմեքենայի վարորդը վրաերթի է ենթարկել 15-ամյա Միքայել Գ.-ին:
Ոստիկանները պարզել են, որ նույն օրը՝ ժամը 14.30-ին, 70-ամյա Վաչագան Տ.-ն «ՎԱԶ-2107» մակնիշի ավտոմեքենայով Տիչինայի փողոցի թիվ 103 տան մոտ վրաերթի է ենթարկել Միքայել Գ.-ին, որը վնասվածքներով տեղափոխվել է հիվանդանոց:
Կատարվում է քննություն:
Խոստովանել են
Մարտի 28-ին՝ ժամը 16.00-ին, ոստիկանության Աշտարակի բաժնի ծառայողները գողություն կատարելու կասկածանքով բերման են ենթարկել 21-ամյա Անդրանիկ Գ.-ին և 24-ամյա Շահեն Հ.-ին:
Նրանք խոստովանել են, որ ս/թ փետրվարին, պատուհանը բացելով, մի տնից գողացել են լվացքի մեքենա և ալյումինե տարաներ:
Կատարվում է նախաքննություն:
Գողությունը բացահայտվել է
Մարտի 28-ին՝ ժամը 20.20-ին, ոստիկանության «Երևան» կայարանի գծային բաժնի ծառայողները, գողություն կատարելու կասկածանքով, բերման են ենթարկել 28-ամյա Գրիգոր Խ.-ին և նախկինում դատապարտված, 34-ամյա Վահան Հ.-ին:
Պարզվել է, որ նրանք նույն օրը՝ ժամը 20.00-ի սահմաններում, «Հարավ-Կովկասյան երկաթուղի» ՓԲԸ մի գծահատվածից կտրել և գողացել են միջռելսային պղնձյա 65 միացուցիչ:
Գողոնն առգրավված է:
Կատարվում է քննություն:
Տեղափոխվել են հիվանդանոց
Մարտի 28-ին ոստիկանության Նոր Նորքի բաժնում հաղորդում է ստացվել, որ ժամը 14.00-ին 36-ամյա Անահիտ Հ.-ն «Նիսսան-Մուրանո» մակնիշի ավտոմեքենայով Թոթովենցի փողոցի թիվ 81 շենքի մոտ վրաերթի է ենթարկել 33-ամյա Էդիտա Կ.-ին:
Վթարի հետևանքով Էդիտա Կ.-ն և նրա մոտ գտնվող 2 տարեկան երեխան վնասվածքներով տեղափոխվել են հիվանդանոց:
Կատարվում է քննություն:
Հանցակիցներից մեկը ձերբակալվել է
Մարտի 28-ին՝ ժամը 13.30-ին, ոստիկանության Արտաշատի բաժին է դիմել 35-ամյա Համլետ Զ.-ն և հայտնել, որ գիշերն իր ավտոտնակից գողացել են էլեկտրական 10 շարժիչ, էլեկտրական սղոց, 200 մ պղնձյա մալուխ և տնտեսական ապրանքներ` պատճառելով 500.000 դրամի նյութական վնաս:
Կատարված նախաքննությամբ պարզվել է, որ նշված գողությունը կատարել են 27-ամյա Ռոմիկ Ս.-ն, 25-ամյա Պետիկ Ս.-ն և 34-ամյա Մարատ Գ.-ն, որոնք գողոնը տեղափոխել են Ռոմիկ Ս.-ի վարած «ԳԱԶ 2410» մակնիշի ավտոմեքենայով:
Ռոմիկ Ս.-ն ձերբակալվել է:
Գողոնն առգրավվել է, ավտոմեքենան՝ տեղափոխվել տուգանային հրապարակ:
Ձեռնարկվում են միջոցառումներ Պետիկ Ս.-ին և Մարատ Գ.-ին հայտնաբերելու ուղղությամբ:
Կատարվում է նախաքննություն:
Ցանկացել է վրաերթի ենթարկել
Մարտի 28-ին՝ ժամը 23.00-ին, ոստիկանության Գյումրիի բաժին է դիմել 35-ամյա Լուսինե Ա.-ն և հայտնել, որ ս/թ հունվարի 21-ին՝ ժամը 22.00-ի սահմաններում, ամուսնու քրոջ որդին` 36-ամյա Արտյոմ Ա.-ն, իրենց շենքի բակում վիճաբանելով իր հետ, ցանկացել է «Մերսեդես» մակնիշի ավտոմեքենայով վրաերթի ենթարկել իրեն:
Ձեռնարկվում են միջոցառումներ Արտյոմ Ա.-ին հայտնաբերելու ուղղությամբ:
Կատարվում է նախաքննություն: