Այսօր Ուլյանովսկում մեկնարկում է «Համագործակցության մշակութային մայրաքաղաքները» միջպետական ծրագիրը: Ծրագիրն այս տարի առաջին անգամ է իրականացվում, և 2011 թ. ԱՊՀ-ում հայտարարված է պատմամշակութային ժառանգության տարի և ենթադրում է ստեղծագործական ռեսուրսների ամենամյա կենտրոնացում այն երկու քաղաքներում, որոնք կընտրվեն մշակութային մայրաքաղաքներ: Այս կարգավիճակն առաջինը շնորհվել է Բելառուսի Գոմել և Ռուսաստանի Ուլյանովսկ քաղաքներին:
Հետագայում պլանավորվում է, որ ծրագրին կմասնակցեն ԱՊՀ բոլոր երկրները: Ինչպես հաղորդել է Ուլյանովսկի մարզի կառավարության մամլո ծառայությունը, Ուլյանովսկի քաղաքապետարանի և Գոմելի մարզի (Բելառուս) քաղգործկոմի միջև այսօր համաձայնագիր կստորագրվի ծրագրի իրագործման բնագավառում համագործակցության և գործընկերության մասին, տեղի կունենա «կլոր սեղան» ԱՊՀ-ի մասնակից երկրների մշակույթի նախարարների մասնակցությամբ:
Կկայանա նաև «Ուլյանովսկ-Մշակութային մայրաքաղաք» ինտերնետ-պորտալի շնորհանդեսը, տեղի կունենա անգլերենի և գերմաներենի «Եվրոլինգվա» համառուսաստանյան օլիմպիադայի եզրափակիչ փուլը: Ուլյանովսկի «Ավիաստար-ՍՊ» ավտոգործարանի արտադրամասերում ԱՊՀ-ի երկրներից ժամանած նկարիչները կստեղծեն «Համագործակցության արվեստի քարտեզը»՝ որպես մշակութային համագործակցության նոր ձևաչափի խորհրդանիշ: Միջոցառումները կեզրափակի Վոլգայի ջրերում կայանալիք հրատեխնիկական հանդեսը: