Այսօր Հայաստանում «Երաժշտական երկխոսություն Մետաքսի ճանապարհին» փառատոնին հունգարացի երաժիշտներ Ֆոդո Ռեկան և Լասլո Սչաֆերը կներկայացնեն ֆլամենգո:
Լասլո Սչաֆերը առաջին անգամ է Հայաստանում, ուրախ է հրավերի համար: Նրա խոսքով՝ կարևոր է տարբեր երկրների երաժիշտների շփումը, որպեսզի նրանք կարողանան փոխանակել իրենց երաժշտությունը և երաժշտական մտածելակերպը:
Ֆոդո Ռեկան «Առաջին լրատվական»-ի հետ զրույցում նշեց՝ երաժշտությունն աշխարհի լեզուն է, այն գալիս է քո սրտից, քո հոգուց և չի ճանաչում ոչ ազգություն, ոչ սահման: Կարևոր չէ՝ որ երկրից ես, կարևորը՝ ինչ երաժշտություն ես ներկայացնում, ինչ երաժշտություն ես զգում:
Արդյոք երիտասարդները հետաքրքրվո՞ւմ են ազգային երաժշտությամբ՝ հարցին Ֆոդո Ռեկան պատասխանեց, որ դա մեծ խնդիր է բոլոր ազգերի համար, բայց բոլորը պետք է հասկանան՝ ազգային երաժշտությունը քո արմատն է, իսկ առանց արմատի դուք չեք կարող աճել՝ ինչպես ծառը:
Ավելին՝ տեսանյութում:
