Երեկ հյուսիսկովկասյան Իգուշիայի Հանրապետությունում տեղի է ունեցել հատուկ գործողություն, որի ժամանակ սպանվել են մոտ 20 գրոհայիններ: Որոշ լրատվամիջոցներ, հղում կատարելով ոստիկանությունում իրենց աղբյուրներին, նշում են, որ հնարավոր է՝ սպանվածների մեջ լինեն այսպես կոչված «Էմիրաթ Կովկասի» ղեկավարները, այդ թվում՝ դրա առաջնորդ Դոկու Ումարովը, ինչպես նաև Դոմոդեդովո օդանավակայանում ահաբեկչության պատվիրատու Ասլան Բյութուկաևը և հայտնի էմիր Համզաթը: Երկու գրոհային ձերբակալվել են: Այս մասին հաղորդում է Коммерсант-ը:
Թերթը հաղորդում է, որ ձերբակալվածները Յանդիև եղբայրներն են, որոնք ուղեկցել են Մոսկվա Դոմոդեդովոյում իրեն պաթեցրած Մագոմեդ Եվլոևին: Հիշեցնենք, որ հունվարի 24-ին Մոսկվայի Դոմոդեդովո օդանավակայանում տեղի ունեցած պայթյունի հետևանքով զոհվել էր 37 մարդ, այդ թվում՝ մոտ մեկ տասնյակ օտարեկրյա քաղաքացիներ:
Գրոհայինների դեմ երեկ օգտագործվել է ծանր զինտեխնիկա, ուղղաթիռներ: Միանգամից մի քանի օպերացիաներ են իրականացվել Ինգուշիայի, Չեչնիայի և Հյուսիսային Օսիայի տարածքներում: Հայտնի է, որ ռազմական գործողությունների ժամանակ զոհվել է Ռուսաստանի 2 հատուկ ջոկատային: