«Դա խնդրի առումով ինչ-որ տեղ հնարավոր է՝ հոգեբանական լուծում է, որ 3 ամիս բոլորը հանգստանում են, բայց երկարաժամկետ լուծում չէ, որովհետև 3 ամիս հետո ստուգումները սկսելու են»,- Շրջանառության հարկի մասին նոր օրենքով ՓՄՁ-ներում ստուգումների հետաձգման կառավարության երեկվա որոշման մասին «Առաջին լրատվական»-ի հետ զրույցում տեսատետ հայտնեց Բի Էս Սի բիզնեսի աջակցման կենտրոնի տնօրեն Սամվել Գևորգյանը:
Ըստ նրա՝ լուծումը ՓՄՁ ներկայացուցիչներին ընտելու հնարավորություն տալու մեջ է. ովքեր ուզում են 1 տոկոս շրջանառության հարկով աշխատեն՝ փաստաթղթեր ձևակերպելով, էդպես աշխատեն, ովքեր ոչ՝ աշխատեն 3.5 տոկոսով:
Սամվել Գևորգյանի խոսքերով՝ Գործարարների միության հետ իրենք դիմել են առաջարկով կառավարությանը, սակայն դեռ այդ առթիվ պատասխահն չկա:
Հիշեցնենք, որ ՓՄՁ ներկայացուցիչների տևական բողոքներից ու ցույցերից հետո երեկ կառավարությունը որոշեց մշակել համապատասխան օրենքի նախագիծ, համաձայն որի՝ գույքագրման պահանջը սույն թվականի հոկտեմբերի առաջին տասնօրյակից կերկարաձգվի մինչև 2015 թվականի փետրվարի 1-ը:
Հիշեցնենք, հոկտեմբերի 1-ից մինչև 58.350 միլիոն դրամ տարեկան շրջանառություն ունեցող տնտեսվարողների համար շրջանառության հարկը 3.5-ից դարձել է 1 տոկոս, միևնույն ժամանակ փաստաթղթավորումը պարտադիր է, հակառակ դեպքում տնտեսվարողը կարող է զգուշացվել, ապա՝ տուգանվել: ՓՄՁ ոլորտի ձեռներեցները նախընտրում են 3.5 տոկոս հարկ վճարել, միայն թե՝ առանց փաստաթուղթ ներկայացնելու:
