«Առաջին լրատվական»-ի զրուցակիցն է դերասան Հայկ Մարությունը (Կարգին Հայկո)։
-Հայկ, հանրությանը հետաքրքրում է՝ ո՞ւր էիք այս ամիսներին: «Սուպեր մամա» ֆիլմի նկարահանման աշխատանքներո՞վ եք զբաղված: Բուռն հասարակական գործունեություն ծավալելուց հետ ո՞ւր էինք:
-Ֆիլմի նկարահանումներով էի զբաղված, ուղղակի չէի հասցնում ակտիվ զբաղվել հասարակական գործունեությամբ, չնայած էլի զբաղվում էի, բայց շատ ակտիվ չէի զբաղվում: Այնպես որ, տեղյակ եմ պրոցեսներին, թե ինչ է կատարվում:
-Ֆեյսբուքյան Ձեր գրառումից պարզ դարձավ, որ վերջերս Ձեզ ամենաշատը խոցել էր Սուրեն Խաչատրյանին Սյունիքի մարզպետ վերանշանակելը:
-Ոչ թե ամենաշատն էր խոցել, այլ դա ինձ թվում է մի քանի գործողությունների, ինչ-որ պրոցեսների հետևանք էր, որի արդյունքում կարող ես տեսնել՝ ինչ պրոցեսներ են կատարվել: Ընդամենը արդյունքի մասին եմ խոսել, որպեսզի կարճ ամփոփեմ պրոցեսները:
–Այսինքն՝ առաջիկայում կտեսնե՞նք Ձեզ նորից բուռն հասարակական գործունեություն ծավալելի՞ս:
-Իհարկե, առաջին հերթին շարունակում ենք մեր սոցիալական ծրագիրը՝ ճաշարանը, որը կշարունակվի մինչև տարեվերջ: Կհետևեմ պրոցեսներին, պետք է սկսվեն պրոցեսներ, կհետևեմ, կարձագանքեմ, ես էլ կմասնացեմ, եթե գտնեմ, որ իմ մասնակցությունը այս կամ այն պրոցեսին ճիշտ է:
-Հոկտեմբերի 10-ին Ձեզ Ազատության հրապարակում կտեսնե՞նք:
-Չեմ կարծում, քանի որ զբաղված եմ լինելու ֆիլմի շնորհադեսներով, բայց այդ ամենին կհետևեմ համացանցով, արդյուnքերը կտեսնենք:
Ավելին՝ տեսանյութում: