«Առաջին լրատվական»-ի զրուցակիցն է «Մարտական խաչ» երկրորդ աստիճանի շքանշանի ասպետ, պահեստի մայոր Պավել Մանուկյանը:
–Պարոն Մանուկյան, վերջին ժամանակահատվածում ազատամարտիկները սկսել են քաղաքականությունից ակտիվորեն խոսել, ազատամարտիկների մի քանի ճամբարներ են ձևավորված: Նկատի ունեմ Ռուբեն Գևորգյանի կողմից ստեղծված «Երդվյալ ազատամարտիկների» միությունը, ԵԿՄ-ն և այլ միություններ: Ազատամրտիկները քաղաքականցվո՞ւմ են, թե՞ պիտի վեր լինեն յուրաքանչյուր քաղաքական խմորումից:
-Բնականաբար, այսպես պիտի լիներ, որովհետև եթե դու չես զբաղվում քաղաքականությամբ, քաղաքականությունը քեզանով պիտի զբաղվի,ինչը այս վերջին ժամանակահատվածում շատ ինտեսիվ կարգով գնաց արդեն: Մենք՝ ազատամարտիկներս, երբեք չէինք խառնվի, եթե մեր հայրենի իշխանությունը իրոք հայրենի լիներ,այսինքն՝ ժողովրդադավ չլիներ: Եվ, բնականաբար, հիմա այս ժողովրդադավությունը նրանք պիտի փորձեն կոծկել մի քանի անհատների միջոցով ինչ-որ խմբավորումներ, մանավանդ ազատատենչ տղաների, որոնք ունակ են ամեն ինչի, իրենց գաղտնի հովանավորության ներքո պահելու համար: Ինչպես որ Աստվածաշնչում է ասվում՝ երևելի և աներևույթ թշնամիների մասին է խոսքը: Բայց պիտի հիասթափեցնեմ դրանց. տենց չի լինելու,եթե մի բան պայթեց, նույնիսկ այս հրամանատար կոչվածները չեն կարող ազատամարտիկներին կառավարել, որովհետև բոլորի մեջ էլ ցասումը լի է, արդարության հանդեպ տենչանքը՝ մեծ: Վերջին 20 տարիներին մենք ինչի՞ ականատես եղանք, բա ի՞նչ պիտի անի խեղճ ազատամարտիկը:
–Լավ պարոն Մանուկյան դուք ասացիք արդարության տենչանք և այլն…. կոնկրետ այն ուժերը, որոնց ազատամարտիները միանում են կարո՞ղ են արդարություն հաստատել:
-Քիչ առաջ ես ասացի՝ տնօրինում են այնպիսի մարդիկ, ովքեր աներևույթ են: Ցավալի է, որ այսօր տղաներին հասցրին այն մակարդակին, որ մի քանի գրոշով էլ նույնիսկ անդամագրվում են: Ազատամարտիկի տիպարի անկում է տեղի ունեցել, ու ասեմ՝ ի սկզբանե է դա մշակված.այսօր ԵԿՄ-ն ներկայացնում է 30 հազար անդամ, կուրսից ընկած թվեր են էլի դրանք: 30 հազար ազատամարտիկ եթե այն ժամանակ լիներ, մենք ոչ միայն Բաքուն, այլև հաստատ մերձկասպյան տարածաշրջանը կազատագրեինք: Խնդիրն ամբողջ այն է,որ արդեն ինքը չի պատկերացնում, թե ուր է գնում, խնդիրն այն է, որ նա ելք է փնտրում, բայց էդ ինքնամաքրման պրոցեսը, որ սկսվեց, կատարվեց, ինքն իր տեղը անմիջապես գտնելու է :
–Այսինք՝ այն ուժերը, որոնք միություններ են ստեղծում և ազատամարտիկներին հրավիրում են, հույս չունենա՞ն, որ ազատամարտիկներին կարող են ղեկավարել: Այսինքն՝ սա շղա՞րշ է, որպեսզի ցույց տան, թե ազատամարտիկների բանակ ունեն:
-Այո, այո, այո, որովհետև ազատամարտը ազատատենչության գագաթնակետն է: Ազատամարտիկին կառավարելն անհնար է, մանավանդ որ, հրամանատարներից շատերին ես ինքս եմ ճանաչում, ամենևին թող հույս չունենան, թե կարող են կառավարել:
Հարցազրույցն ամբողջությամբ՝ տեսանյութում։