«Ժամանակ են շահում, էս երկրում էլ ոչ մի բանի հույս չունենք, չենք դադարեցնելու պայքարը»,- «Առաջին լրատվական»-ի հետ զրույցում ասացին Մալաթիա տոնավաճառում առևտրով զբաղվող անձինք՝ հավելելով, որ իրենք չեն խաբվել:
Փետրվարից օրենքը բերելու են այլ տեսքով, բայց անպայման այնպես, որ հարկային բեռն ավելանա: Առևտրականները անգամ կատակում էին՝ ասելով, որ մի չորս ամիս էլ կապրեն, հետո կառավարությունը կրկին կընկնի փոքր բիզնեսի հետևից:
«Ինչ երաշխիք, որ վաղը ավելի կատարելագործված, ավելի վատ օրենք չեն հանելու: Վերջը էս հին կոշիկները պիտի տանք իրանց, մի հատ նկարի՝ վարչապետ ա, բան ա, տես՝ ովքեր չունեն, թող գան տանեն, մեղք են»,- ծաղրանքով ընդգծեց առևտրականներից մեկը:
Առևտրականները նշում էին, որ ճիշտ կլինի, որպեսզի Շրջանառության հարկի մասին օրենքը ընդհանրապես ուժի մեջ չմտնի, քանի որ դրանով միևնույն է՝ աշխատել չի լինի:
Առավել մանրամասն՝ տեսանյութում: