Բրիտանացի դերասան Հյու Գրանտը հայց է ներկայացրել մեդիամագնատ Ռուպերտ Մերդոկի` ներկայում գոյություն չունեցող News of the World տաբլոիդի դեմ, հաղորդում է BBC-ին:
Դերասանը լրագրողներին մեղադրում է իր բջջային հեռախոսն ապօրինի լսելու համար:
Գրանտի փաստաբանի խոսքերով` դերասանը դատարանի միջոցով կարող է խոշոր փոխհատուցում ստանալ բարոյական վնասի համար:
Փաստաբանը նշել է, որ փոխհատուցման գումարը կհատկացվի այն կազմակերպություններին, որոնք ներկայացնում են իրենց անձնական կյանք ապօրինի ներխուժման հետևանքով տուժած մարդկանց շահերը:
2011թ. Մեծ Բրիտանիայում ծագել է խոշոր սկանդալ Մերդոկին պատկանող պարբերականի լրագրողների կողմից անօրինական հեռախոսալսումների կապակցությամբ:
