Այսօր Արմավիրի ընտրական հանձնաժողովի նախագահ Գայանե Սուքիասյանից տեղեկացանք, որ քաղաքապետի ընտրությունների վերահաշվարկը բոլոր 16 տեղամասերում ավարտվել է։ «Դեռ մի բան էլ ոչ թե արդյունքները բողոքարկած Սևակ Մինասյանի ձայներից է պակասել, այլ` վերընտրված քաղաքապետ Ռուբեն Խլղաթյանի»,-ասաց Սուքիասյանը։
Այսպիսով, Ընտրական հանձնաժողովի նախագահը մեզ հետ զրույցում ներկայացրեց վերջնական արդյունքերը, որը հետևյալ պատկերն ունի` Գևորգյան Առնակից պակասել է 5 քվե, Խլղաթյան Ռուբենից` 15, Միանսյան Սևակից` 5, Կարեն Վարդանյանից` 2։
«Սևակ Մինասյանի վստահված անձ Սարգիս Ցականյանը ներկա է եղել վերահաշվարկի գործընթացին, ծանոթացել փաստաթղթերին և ցանկություն է հայտնել ծանոթանալ ընտրացուցակներին։ Սակայն կարծում եմ, որ վերահաշվարկի արդյունքները ցույց տվեցին, որ արտահերթ ընտրությունների անհրաժեշտություն չկա»,- ավելացրեց Գայանե Սուքիասյանը։