Սանկտ-Պետերբուրգում Ադրբեջանի հյուպատոս Գուդսի Օսմանովը հերքում է մի 15-ամյա աղջկա բռնաբարության մասին մեղադրանքները, և համարում դրանք զրպարտություն: «Եթե նման բան եղած լիներ, նրանք կդիմեին իրավապահ մարմիններին»,-որպես արդարացում ասել է ադրբեջանցի դիվանագետը:
«Այդ սադրանքի հետևում, որ տեղի է ունեցել Նովրուզի տոնակատարության ժամանակ, բնականաբար ինչ որ մարդիկ են կանգնած: Մենք տեսանյութեր ունենք, որոնք բողոքի նոտայի հետ միասին ուղարկվել են Ռուսաստանի ԱԳՆ: Մոտ ժամանակներս Ռուսաստանի իրավապահ մարմինները կուսումնասիրեն այդ գործի հանգամանքները»,-ադրբեջանական АПА գործակալությանը տված հարցազրույցում ասել է Օսմանովը:
Հիշեցնենք, որ այս տարվա մարտի 19-ին` Սանկտ-Պետերբուրգում, Նովրուզի տոնակատարության առիթով Ադրբեջանի հյուպատոսի ելույթի պահին անհայտ անձը բարձրախոսը ձեռքին խոչընդոտել է նրա ելույթին: Մատնացույց անելով իրենից ձախ նստած աղջկան` նա ՌԴ-ում Ադրբեջանի գլխավոր հյուպատոսին մեղադրել էր այդ աղջկան բռնաբարելու մեջ: