ԱԺ ՀՀԿ խմբակցության ղեկավար Գալուստ Սահակյանը այսօր, սկսելով ԱԺ ճեպազրույցները, ասաց, որ այսօրվա ամենահետաքրքիր թեման ԵԱՀԿ դաշտային առաքելության զեկույցն է, որը ինքը շատ դրական է գնահատում։ Ավելին, այն բավական լուրջ հետևությունների տեղիք է տալիս։ Լրագրողների այն դիտարկմանը, թե ինչն է այդտեղ դրական, որ ԼՂ-ի հարակից տարածքները օկուպացված են համարում, իսկ վերաբնակեցումը՝ աղետալի, արձագանքեց.
«Ես կարևորում եմ այն, որ խնդիրը պետք է կարգավորվի բոլոր կողմերի մասնակցությամբ։ Այսինքն՝ պահն է եկել, որ ԼՂ-ն ևս մասնակցի բանակցություններին։ Ինչպես նաև ուժի չկիրառումը։ Ադրբեջանական տեղեկատվության անհավաստիությունը, որ այդ տարծքում ատոմային և թմրանյութերի թափոններ կան։ Իսկ օկուպացիա ասվածը կարելի է տարբեր ձևերով հասկանալ։ Վերաբնակեցման համար էլ, ցանկությունից բացի, հսկայական գումարներ են անհրաժեշտ, որ այսօր չունենք»։
Իսկ վերջում Գալուստ Սահակյանը ավելացրեց, որ եթե այդ նշված խնդիրներն էլ լուծված լինեին, ապա ինքը կծափահարեր։
