ՀՀՇ վարչության նախագահ Արամ Մանուկյանը մեզ հետ զրույցում ասաց, որ ապրիլի 8-ի հանրահավաքին դեռ ժամանակ կա, և այս ընթացքում Կոնգրեսը շարունակում է առաջարկներ ստանալ առաջիկա հանրահավաքի գործողությունների վերաբերյալ:
«Ակտիվ գործողությունների, համարձակ քայլերի, կտրուկ պահանջների, քաղբանտարկյալների անվերապահ ազատ արձակման առաջարկներ են հնչում:
Տրամադրությունները շատ պահանջատիրական են, շատ համարձակ:
Պահանջում են շատ արագ հարցերը լուծել և հասնել արտահերթ ընտրությունների, որովհետև պահանջները ոչ միայն քաղաքական են, այլ նաև սոցիալական: Ստեղծված ծանր սոցիալ-տնտեսական իրավիճակն իր ազդեցությունն է թողնում»,- նշեց պարոն Մանուկյանը:
