Քարե բունկերում եղած ճեղքի միջոցով Լեռնային Ղարաբաղի հանրապետության զինվորները կարող են տեսնել իրենց ադրբեջանցի հակառակորդներին 150 մետր հեռավորությունից: Երկու նախկին խորհրդային հանրապետությունների միջև այս լեռներում առկա է ուկրաինական արձագանք: Այս ամառն առավել լարված էր, քան նախկինում՝ ասել է առաջնագծի սպան: Այս մասին գրում է The Economist-ը:
Անկարգապահ ուսանողներին կարգապահություն սովորեցնող տնօրենի նման՝ Ռուսաստանի նախագահ Վլադիմիր Պուտինն օգոստոսի սկզբին բանակցությունների նպատակով Սոչի էր կանչել Սերժ Սարգսյանին և Իլհամ Ալիևին: Լարվածությունը սառեց, սակայն կողմերը մոտ չեն կարգավորմանը: Սեպտեմբերի 2-ին պարոն Սարգսյանը շնորհավորեց Լեռնային Ղարաբաղին անկախության 23-ամյակի առիթով՝ հանրապետության ընտրությունը անվանելով «անշրջելի իրողություն»:
Ուկրաինան էր, որ չարագուշակ ստվեր գցեց՝ ուժեղացնելով պարտվողական մտածելակերպը՝ ասել է «Քարնեգի» հիմնադրամի վերլուծաբան Թոմաս դե Վաալը:
Բաքուն կորցրել է վստահությունը միջազգային բանակցորդների և անվտանգության երաշխավորների նկատմամբ: Բաքվի պաշտոնյաներին հետաքրքիր է, թե ինչու Արևմուտքը պատժեց Ռուսաստանին Ղրիմի բռնակցման համար, սակայն Հայաստանին՝ ոչ՝ «Ղարաբաղում համանման վարք դրսևորելու համար»: Շատերին հետաքրքիր է այն հարցը, թե ինչու է Արևմուտքը հավանություն տալիս Ուկրաինայի կողմից տարածքային աբողջականության վերականգնման համար զենքի օգտագործմանը, սակայն Ադրբեջանի դեպքում խաղաղ համբերատարություն պնդում:
Ադրբեջանի կողմից ընկալված անտարբերությունը նպաստել է երկրում ճնշումներին: Մի քանի հակակառավարական ակտիվիստներ այս տարի ձերբակալվել են, ոմանց դեմ պետական դավաճանության մեղադրանքներ են առաջադրվել: ՀԿ-ների բանկային հաշիվերը սառեցվել են:
Ադրբեջանի նոր ինքնավստահությունը վրա է հասել երկու հարցերի թուլացմանը զուգահեռ՝ ռազմական առավելության բացակայություն և դիվանագիտական կարգավորման հեռանկար: Ադրբեջանի տարեկան պաշտպանական բյուջեն 2003 թվականի 177 մլն դոլարից 2013-ին հասել է 3.4 մլրդ դոլարի: Այն գերժամանակակից զենք է գնում Իսրայելից, Թուրքիայից և Ռուսաստանից: Հայաստանը նույնպես զինել է իր ուժերը:
Բաց պատերազմի ռիսկը ցածր է մնում, սակայն սահմանների ռազմականացումը և բռնություն կիրառելու պատրաստակամությունը ստեղծում է պատահական պատերազմի ռիսկ՝ ասել է Երևանում տեղակայված Տարածաշրջանային հետազոտությունների կենտրոնի տնօրեն Ռիչարդ Կիրակոսյանը:
Լեռնային Ղարաբաղի վարչապետ Արայիկ Հարությունյանն անիրատեսական է համարում փոխզիջումը, որը ներառում է տարածքների վերադարձ Ադրբեջանին:
Մինչ Ստեփանակերտում ամեն ինչ խաղաղ է թվում, շատերը բռնության անխուսափելի վերադարձի են սպասում: Իր հերթին, Ղարաբաղի խորհրդարանի պաշտպանական կոմիտեի ղեկավար Ժաննա Գալստյանը մեջբերել է առաջին գործողությունում պատից կախված հրացանի հետագա գործարկման մասին Չեխովի խոսքերը: