Ֆինն հանրահայտ ավտոարշավորդ Արի Վատագենը, ով Էստոնիայի ավտոսպորտի ֆեդերացիայի նախագահն է, ինչպես նաև Ավտոսպորտի միջազգային ֆեդերացիայի նախագահ Ժան Տոդտի մտերիմ ընկերը, հայտարարել է, որ Ռուսաստանում կայանալիք «Ֆորմուլա-1»-ի առաջին գրան պրին կարող է չեղյալ համարվել՝ Ուկրաինայում զարգացող իրադարձությունների կապակցությամբ:
«Տոդտն իմ մտերիմ ընկերն է: Բանն այն է, որ նա պաշտոնատար անձ է և ոչ միշտ կարող է հայտարարություններով հանդես գալ: Նրա ձեռքերը կապած են: Հաճախ ենք համակարծիք լինում տարբեր հարցերի շուրջ: Իհարկե, կան նաև տարակարծություններ, բայց դրանք գերակշիռ չեն:
Մենք պետք է պատասխանենք հարցի՝ սատարում ենք Պուտինի ռեժիմը, թե ոչ: Մարդիկ հաճախ ասում են, որ քաղաքականությունը չպետք է խառնել սպորտին, բայց ռուսական ռեժիմն արդեն խառնել է այդ հասկացությունները: Այդ իսկ պատճառով մենք պարտավոր ենք արձագանքել:
Հիմա որոշում կայացնելու հերթը Բերնի Էկլսթոունինն է: Նա պետք է չեղյալ համարի մրցարշավը: Երկրորդ հաշախարհային պատերազմից հետո սա աննախադեպ իրադարձություն է»,- Վատագենի խոսքերը մեջբերում է Telegraph-ը: