ԱԻՄ առաջնորդ Պարույր Հայրիկյանի կարծիքով՝ սեպտեմբերի 3-ը հայ ժողովրդի պատմության սև օրերից մեկն է։ «Ուզում եմ այնպես լինի, որ սևագույն օր չլինի, այդ պատճառով մենք մեզնից կախված ամեն բան կանենք»,- «Առաջին լրատվական»–ի հետ զրույցում ասաց նա:
Նրա կարծիքով՝ Սերժ Սարգսյանի կողմից բարեկիրթ կլիներ անցած տարվա սեպտեմբերի 3-ին հայտարարել, որ ոչ թե Հայաստանն է կողմնորոշվել, այլ ինքն է վերակողմնորոշվել․ «Սերժ Սարգսյանը նաև շատ ամոթալի բան արեց հենց իր համար. միջազգայնորեն իրեն խաբեբայի կարգավիճակում ներկայացրեց: 3.5 տարի Եվրոպայի հետ բանակցություններ վարեց, Տիգրան Սարգսյանը հայտարարեց, որ ընդհանուր սահման չունենք, և չենք կարող անդամագրվել Մաքսային միությանը, և հետո այլ բան հայտարարեցին»:
Հայրիկյանի խոսքերով՝ խորհրդարանական բոլոր ուժերն անխտիր, անգամ «Ժառանգություն»-ը՝ Ռուբիկ Հակոբյանի դեմքով, կողմ է Մաքսային միությանը և իշխանությունների հետ այս հարցում լիակատար համաձայնության է եկել․ «Այո՛, կա կոնսենսուս, և դա է դժբախտությունը։ ԿԳԲ-ի բոլոր մասնաճյուղերն իրար հետ են, բոլոր կուսակցությունները ԿԳԲ-ի մասնաճյուղեր են: Անգամ եթե կիսատ-պռատ հայտարարություն են անում, ասում եմ՝ եկեք գործ անենք, ինքը՝ կուսակցապատը չի գալիս: Գալիս են քաղաքացիներ, 100 մարդ գալիս է, կոչ ենք անում 500 մարդ է հավաքվում: Այդ կուսակցությունները եթե չլինեին, ԿԳԲ-ի դրածո են, եթե մի բառ անգամ չեն ասում Մաքսային միության դեմ, ուրեմն կողմ են, լյուստրացիա պետք չէ, նրանց պապը, տատը եղել են ԿԳԲ-ի գործակալ, իրենք էլ այդ ճանապարհով գնում են»:
Հարցազրույցն ամբողջությամբ՝ մեր տեսանյութում։
