Այսօր Ազատության հրապարակում, Րաֆֆի Հովաննիսյանի նստարանի մոտ տեղադրվեց վրան: Առայժմ ոստիկանները չեն փորձել արգելել վրանի տեղադրմանը, սակայն «Ժառանգության» անդամները կարծում են, որ դեռ պետք է զգոն լինել:
«Փորձը ցույց է տալիս, որ ոստիկաններից ամեն ինչ կարելի է սպասել»,- ասում է ԱԺ «Ժառանգություն» խմբակցության պատգամավոր Զարուհի Փոստանջյանը:
«Առաջին լրատվականը» փորձեց պարզել` ինչպես է ոստիկանությունը վերաբերվում Րաֆֆի Հովհաննիսյանի համար վրանի տեղադրմանը` հակառակ ոստիկանության արգելքի: Ազատության հրապարակում շրջող ոստիկանները նույնիսկ տեղյակ չէին այդ մասին և խնդրեցին դիմել իրենց վերադասներին:
Սակայն, ոստիկանության կարծիքը ու հետագա քայլերը հրաժարվեցին բարձրաձայնել նաև ավագ ոստիկաները և Երևանի փոխոստիկանապետ Ռոբերտ Մելքոնյանը, ովքեր մեր հարցը լսելուն պես հեռացան:
