Այսօր արդարադատության նախարար Հրայր Թովմասյանը, անդրադառնալով հանրահավաքի անցկացման մասին օրենքի փոփոխություններին և այն դիտարկմանը, թե հանրահավաքի մասնակիցների՝ կառավարության և ԱԺ շենքից հեռավորությունը արդյոք սահմանվո՞ւմ է օրենքով, պատասխանեց. «Դրա կարիքը չկա, քանի որ գոյություն ունի համաչափության սկզբունք: Օրենքը չի կարող բոլոր դեպքերը կանխատեսել: Կյանքը շատ բազմազան է, և բոլոր իրավիճակները կանխատեսել ու դրանց համար լուծումներ տալ հարկավոր չէ»:
Անդրադառնալով Եվրոպայի խորհրդի համազեկուցողների այն հայտարարությանը, որ Հայաստանում Մարտի 1-ի 10 զոհերի մեղավորներին չբացահայտելը և քաղբանտարկյալների գոյությունը խաթարում է Հայաստանի ներքաղաքական կյանքը, ինչպես նաև լրագրողների հարցին, թե հնարավո՞ր է՝ առաջիկայում էլի քաղբանտարկյալներ ազատ արձակվեն, նախարարը ասաց. «Կա այդ մարդկանց ազատարձակման մի քանի ճանապարհ.
1. Օրենսդրական փոփոխություններն են և նրանց կողմից արարքները, որ այլևս հանցանքը չի կրկնվի: Սա ինչ-որ ժամանակ եղել է:
2. Համաներումն է, որը 2009 թվականին կիրառվեց: Մի մասի պատժաչափերը կրճատվեցին, մի մասը ազատ արձակվեց, սակայն համաներումը նույն անձանց վրա չի կարող տարածվել:
3. Ներման դիմումն է: Չի եղել մի դեպք, որ դիմեն նախագահին և չազատվեն»: