Քուվեյթում տասնյակ հազարավոր մարդիկ դուրս են եկել մայրաքաղաքի փողոցներ` պահանջելով ազատ արձակել դեկտեմբերի 1-ին ընտրված Ազգային ժողովը և չեղյալ հայտարարել ընտրական համակարգում տեղ գտած փոփոխությունները,- հաղորդում է KUNA գործակալությունը:
Պետական դրոշներով ընդդիմադիրները, հակակառավարական կոչեր բղավելով, պահանջում են չեղյալ հայտարարել ընտրական համակարգում տեղ գտած փոփոխությունները, որոնց համաձայն՝ քաղաքացիները կարող են քվեարկել մեկ թեկնածուի օգտին: Նախկինում երկրի հինգ ընտրաշրջաններից յուրաքանչյուրում հնարավոր էր ընտրել չորս թեկնածուի:
Գործակալության փոխանցմամբ` բողոքի ակցիան գլխավորում են խորհրդարանի նախկին անդամներ և քաղաքական ակտիվիստներ: Նրանց կարծիքով` ընտրական համակարգում տեղ գտած փոփոխություններն առավելություն են տալիս կառավարամետ թեկնածուներին:
Չնայած ցույցը խաղաղ բնույթ է կրում, այնուամենայնիվ այն գտնվում է ոստիկանության վերահսկողության ներքո:
