Apple ընկերությունը իր iTunes հավելվածների էլեկտրոնային խանութից հեռացրել է նույնսասեռականությունից «բուժվելու» հավելվածը:
Այդ հավելվածն այլևս անհասանելի է iPhone-ի և iPad-ի համար: Այս մասին ասվում է Reuters գործակալության հաղորդագրության մեջ: Հավելվածը հեռացվել է այն բանից հետո, երբ մոտ 100 հազար մարդ բողոքել է դրա դեմ` ստորագրելով օն-լայն պետիցիան: Նրանք նշել էին, և ինչն էլ հետագայում որպես փաստարկ բերվել էր Apple-ի կողմից, որ Հիսուս Քրիստոսի շնորհիվ նույնասեռականություն հիվանդությունից ազատվելու հավելվածը վիրավորում է շատ մեծ խմբի մարդկանց:
Քրիստոնեական մի շարք կազմակերպություններ իրենց հերթին հակընդդեմ բողոք էին ներկայացրել ընկերությանը` մեղադրելով նրանց տեղեկատվության ազատ տարածմանը խոչընդոտելու մեջ: Exodus քրիստոնեական կազմակերպությունը հույս է հայտնել, որ այդ հավելվածը շուտով նորից հասանելի կլինի:
