Երեկ երեկոյան Իսրայելի վարչապետ Բենյամին Նաթանյահուն հայտարարել է, որ Իսրայելը Պաղեստինի կողմից հարձակումներին կպատասխանի «ագրեսիվ, պատասխանատվությամբ և իմաստնաբար»: Այս հայտարարությունը նա արել` հանդիպելով երկրի զինվորական հրամանատարության ներկայացուցիչների հետ, որի ժամանակ քննարկվել է Պաղեստինի տարածքից վերջին շրջանի ռմբակոծություններից և Երուսաղեմում տեղի ունեցած ահաբեկչությունից հետո ստեղծված իրավիճակը: Այս մասին հաղորդում է Associated Press գործակալությունը:
Այս հանդիպումից հետո Իսրայելի ռազմաօդային ուժերը ռմբակոծության ենթարկել Գազայի հատվածը: Հիմնական թիրախներն են եղել Համաս խմբավորման մարզման կենտրոնները և թունելները, որոնցով զենք և զինամթերք է հասցվում պաղեստինցի գրոհայիններին: Զոհերի մասին տեղեկություններ չեն հաղորդվում:
«Առաջին լրատվականը» երեկ տեղեկացրել էր, որ մարտի 23-ին երեկոյան Երուսաղեմի ավտոկայանում տեղի էր ունեցել պայթյուն, որի հետևանքով այս պահի դրությամբ զոհվել է 1 մարդ, մոտ 52-ը ստացել են տարբեր աստիճանի մարմնական վնասվածքներ: Վիրավորներից 7-ը գտնվում են ծանր վիճակում: Տեղեկացնենք նաև, որ նմանատիպ ահաբեկչական ակտ Երուսաղեմում եղել էր 7 տարի առաջ:
