Ինչպես հաղորդում են բուլղարական լրատվամիջոցները, երկրի արևելքում գտնվող Սլիվեն քաղաքում երեկ երեկոյան բանկի վրա հարձակում գործած կողոպտիչն այս պահին շարունակում է առնվազն 5 պատանդ պահել:
Մարտի 23-ին երեկոյան նախնական տվյալներով թուրքական ծագում ունեցող կողոպտիչը հարձակվել է Investbank-ի Սլիվենի մասնաճյուղի վրա, սակայն ժամանակին տեղ հասած ոստիկանությունը փակել է նրա նահանջելու բոլոր ճանապարհները, և կողոպտիչը, պատանդներին փակելով բանկում, հրաժարվում է հանձնվել:
Հարձակման ժամանակ նա վիրավորել է բանկի աշխատակիցներից մեկին, որը հիմա գտնվում է բանկում: Զինված տղամարդն այս պահին ոչ մի պահանջ առաջ չի քաշել, թեպետ ոստիկանությունը փորձում է բանակցել նրա հետ:
Առավոտյան 5-ի դրությամբ, նա բաց էր թողել 3 պատանդներին:
