«Մեդվեդև-Պուտին հակամարտությունը զուտ ռուսական ներքաղաքական խնդիր է. դա բնավ չի անդրադառնում մեզ վրա»,- «Առաջին լրատվականի» հետ զրույցում ասաց քաղաքագետ Արամ Հարությունյանը:
Քաղաքագետը հիշեցնում է, որ Ռուսաստանի ռազմավարությունը Հայաստանի հանդեպ նույնն է եղել թե՛ Պուտինի, թե՛ Մեդվեդևի նախագահության տարիներին:
Հիշեցնենք, որ Մեդվեդևի որոշմամբ Ռուսաստանը չկիրառեց վետոյի իրավունքը ՄԱԿ-ի Լիբիայում միջազգային գործողություններ ծավալելու մասին որոշման դեմ, քայլ, որը չողջունեց վարչապետ Վլադիմիր Պուտինը` նման գործողությունը համեմատելով «խաչակրաց արշավանքի հետ»:
«Բնական է` և՛ Պուտինը, և՛ Մեդվեդևը պատրաստվում են նախագահական ընտրություններին, նրանց ամեն արտահայտություն իր արձագանքն է ունենալու ռուսական էլեկտորատի մոտ, սակայն Հայաստանի համար միևնույն է` նրանցից ով կընտրվի»:
