«Ժամանակավոր անաշխատունակության դեպքերից պարտադիր սոցիալական ապահովագրության մասին» ՀՀ օրենքում փոփոխություններ կատարելու` ՀՀ աշխատանքի եւ սոցիալական հարցերի նախարարության նախաձեռնությունը, համաձայն որի` հարյուր հիսուն հազար դրամից բարձր աշխատավարձ ստացող կանայք դեկրետ գնալու դեպքում աշխատավարձ ստանում են միայն առաջին ամիսը, իսկ հետագա չորս ամիսներին չեն վճարվում, ԱԺ դաշնակցական պատգամավոր Արծվիկ Մինասյանը գնահատում է որպես ժողովրդագրությանը նետած մարտահրավեր: «Աշխատավարձի սահմանափակումն, ըստ էության, ոչ թե կանանց իրավունքների հարց է, այլ մարտահրավեր ժողովրդագրությանը: Եթե մենք խնդիր ենք դրել, որ խրախուսենք ծնելիությունը, ընտանիքներում երեխաների աճը, այդ նախաձեռնությունը նշանակում է մկրատով կտրել այն»,- ասաց նա: Արծվիկ Մինասյանի կարծիքով, գենդերային խնդիրներին պետք է լուծում տալ ոչ թե եվրոպական արժեհամակարգին տուրք տալու համար, այլ մեր հասարակության շահերից ելնելով:
