«Ես սպասում եմ, որ Սոչիի հանդիպումից հետո սահմանին ստեղծված վիճակը կմեղմվի, որովհետև այնտեղ սեղանին ոչ միայն Ադրբեջանի ու Հայաստանի ցանկություններն են, այլև Ռուսաստանի դերը: Ռուսաստանի նախագահն իր դեմքը պետք է ցույց տա միջազգային հանրությանը, որ իրենք կարող են նաև խաղաղություն հաստատել, հանդես գալ խաղաղարարի դերում»,-«Առաջին լրատվական»,-ի հետ զրույցում անդրադառնալով վաղը Սոչիում սպասվելիք նախագահների հանդիպմանը նման կարծիք հայտնեց «Հանրապետություն» կուսակցության քաղխորհրդի անդամ, Ոստիկանության գեներալ Սուրեն Աբրահամյանը՝ հավելելով.«Սոչիի հանդիպումից հետո ադրբեջանական կողմի պրովոկացիաները կմեղմվեն, և հերթական հարաբերական անդորրը կտիրի: Բայց բոլոր պարագաներում մեր իշխանությունները պետք է քաղաքական կամք դրսևորեն և տարածաշրջանում խաղաղություն հաստատեն եռանախագահողների շրջանակում ու վարեն միմյանց փոխադարձաբար ընդառաջ գնալու քաղաքականություն: Պատերազմական հռետորաբանությունը ո՛չ մեզ է լավ բան խոստանում, ո՛չ նրանց»:
Սուրեն Աբրահամյանի հետ ամբողջական զրույցը՝ հաջորդիվ:
Լուսանկարը` PAN Photo-ի