«Եթե, Աստված մի արասցե, պատերազմ լինի, մեր զինվորները հաղթելու են, որովհետև խելացի են ու արի»,- նշեցին «Առաջին լրատվական»-ի հարցախույզին մասնակցած երևանցիները՝ հավելելով, որ այսօր Ադրբեջանը ցանկացած ոտնձգության պատրաստ է, սակայն տարբերությունը մեծ է, քանի որ մերոնք իրենց սեփական հողերը, հայրենիքն են պաշտպանելու, իսկ ադրբեջանցիները քոչվոր են, ինչը նշանակում է՝ որպես պետություն չեն կարող երկար մնալ:
Ոմանք նաև նշեցին, որ եթե պատերազմ լինի, պահանջելու են, որ օլիգարխների երեխաները առաջին գծին կանգնեն և սահմանները մյուսների պես պահեն։
«Այս իրավիճակում կարևորը միասնական լինելն է և հույսը մեր ուժերի վրա դնելը, քանի որ գերտերությունները, հատկապես Ռուսաստանը, միշտ իրենց շահերն են առաջ տանում՝ անտեսելով մեր ազգային շահերը, սա պատմությունն է ցույց տալիս»,- նկատեցին հարցախույզին մասնակցածներից շատերը, ովքեր Ռուսաստանին դատապարտում էին Ադրբեջանին զենք վաճառելու համար:
Առավել մանրամասն՝ տեսանյութում։
