«Մենք միշտ պատրաստ ենք հակառակորդին արժանի հակահարված տալ, ոչ մի վախ հայի ոգին, դուխը տեղն է»,- «Առաջին լրատվական»-ի հետ զրույցում ընդգծեցին հյուսիսային հատվածում գտնվող զորամասերից մեկի զինծառայողները: Ի դեպ, նրանց մարտական ընկերները օրերս կանխել էին հակառակորդի դիվերսիոն-հետախուզական գործողությունները:
Մեր քաջ զինվորները հանրությանը, իրենց հարազատներին ու ընկերներին հորդորում են հանգիստ լինել. մեր սահմանները անառիկ են, զինվորների մարտական պատրաստվածության աստիճանը՝ բարձր. «Երբ դիվերսիոն գործողությունները եղան, մեր զինվորոները, որոնք դիքերում չէին, մոտենում էին հրամանատարներին ու խնդրում, որ ընկերների մոտ՝ սահման բարձրանան: Մեզանից յուրաքանչյուրը ամեն պահի պատրաստ է մարտի, թեկուզ հիմա»,- վստահեցրեց կրտսեր սերժանտ Արտակ Փիլոսյանը:
«Բանակ գնալուց առաջ բոլորս էլ գիտակցել ենք, որ կարող են այսպիսի դեպքեր լինել, անգամ եթե պատերազմ լինի, բոլորով ենք մասնակցելու, պահելու ենք մեր եղածը, ինչպես անցյալում մեր նախնիներն են արել դարեր, տարիներ՝ սկսած Պապ թագավորից մինչև Վազգեն Սարգսյան» նկատեցին զինվորները: Նրանց պնդմամբ՝ եթե սեփական հայրենիքը չպաշտապնեն, ուրիշ պաշտպանողներ չեն լինի, իսկ հայրենիքի պաշտպանությունը լայն հասկացությունը է. ընտանիք, տարածք, ազգ, ինքնորոշում, ազգային դիմագիծ, կրոն:
Առավել մանրամասն՝ տեսանյութում: