«Այգեձորում խուճապ չկա, կրակոցները լինում են հիմնականում դիվերսիոն հարձակումների ժամանակ: Այգեձորը մեծ պարագծով սահման ունի Ադրբեջանի հետ, բայց անտառներով: Հիմնականում վտանգավոր է Մովսեսում, Չինարիում, Պառավաքարում, Այգեպարում, Ներքին Կարմիր Աղբյուր գյուղերում»,- «Առաջին լրատվական»-ի հետ զրույցում ասաց Այգեձոր համայնքի ղեկավար Սասուն Սաֆարյանը՝ հավելելով, որ իրենց համայնքում արդեն իսկ հորդորել են՝ հատկապես երեխաներին, որ անտառներ չգնան պտուղ հավաքելու, քանի որ օրերս հակառակորդը կրակոցներ էր արձակել:
Հակառակորդը անտառում կրակել էր նաև գյուղի բնակիչ Վալերի Ճաղարյանի վրա, ով հիմա իրեն լավ է զգում, հիվանդանոցից կարող է դուրս գրվել, պարզապես ապահովության համար առայժմ բժիշկների հսկողության տակ է:
Համայնքի ղեկավարի խոսքով ՝ յուրաքանչյուր գյուղացի իր սահմանների համար կռիվ կտա, իրենց գյուղը երբեք չեն լքի. «Ես կուզեմ, որ հատուկ ուշադրություն դարձվի, ոչ միայն ղեկավարությունից եմ պահանջում, այլև ամբողջ հասարակությունից, ազգից՝ թող ուշադիր լինեն, մեր սահմանները սկսվում են ստեղից: Հայաստանը ձևավորվում է սահմաններից, ուստի պետք է սահմանները միշտ ամուր մնան: Պետք է միախմբվեն բանակը, հասարակությունը, իշխանությունը ու գյուղացին»,- ասաց նա:
Առավել մանրամասն՝ տեսանյութում: