Մարտի 23-ին Մոսկվայում հարձակման է ենթարկվել լրագրող Սերգեյ Տոպոլը: Նա 2008թ.-ին աչքի է ընկել նրանով, որ Московский корреспондент թերթում գրել էր Ռուսաստանի վարչապետ Վլադիմիր Պուտինի և հայտնի մարմնամարզուհի Ալինա Կաբաևայի կապի մասին:
Լրագրողը ստացել է գանգուղեղային և մարմնի այլ մասերի տարբեր վնասվածքներ ու սալջարդեր, սակայն նրա կյանքին վտանգ չի սպառնում: Այս մասին հաղորդում է Interfax գործակալությունը:
55-ամյա Տոպոլի վրա հարձակվել են երկու հոգի: Հարձակման մասին ոստիկանությունը տեղեկացել է միայն առավոտյան:
Տոպոլը 2008թ. ապրիլի 11-ին գրել էր, որ Պուտինն ու Կաբաևան պատրաստվում են ամուսնանալ: Այս լուրը գրելիս նա հղում էր արել «պետերբուրգյան վերնախավում ունեցած իր աղբյուրներին»:
Մի քանի օր անց Московский корреспондент թերթը փակվեց: