Ռուսաստանն ու ԱՄՆ-ն` Եվրամիության հետ համատեղ, անհաժեշտ է ակտիվացնեն ջանքերը ղարաբաղյան հակամարտության լուծման ուղղությամբ: Այս մասին ըստ REGNUM գործակալության, մարտի 22-ին Մոսկվայում կայացած մամլո ասուլիսում հայտարարել է ռուս քաղաքագետ Սերգեյ Կարագանովը:
Քաղաքագետի կարծիքով, ջանքերի ակտիվացումը առաջին հերթին անհրաժեշտ է, որպեսզի մշակվի համագործակցության դրական հիմք, եւ երկրորդ հերթին նրա համար, որպեսզի կանխվի զինված հակամարտության վերսկսման օրեցօր ահագնացող վտանգը: «Համենայն դեպս անհրաժեշտ է պատրաստվել դրան, նախապատրաստել ինչ-որ խաղաղարար միջոցառումներ կամ էլ խաղաղապահ ուժեր մտցնել, նախքան Ադրբեջանն ու Հայաստանը հերթական անգամ կառճակատվեն Լեռնային Ղարաբաղի հարցով», հայտարարել է քաղաքագետը` պատասխանելով գործակալության թղթակցի հարցին:
Իսկ Ռուսաստանի եվրոպական եւ միջազգային համալիր հետազոտությունների կենտրոնի փոխտնօրեն Դմիտրի Սուսլովը իր հերթին նշել է, Ղարաբաղը դրական օրակարգ է դառնում ռուս-ամերիկյան հարաբերություններում: Նրա կարծիքով, հակամարտությունների լուծման համար դինամիկ քայլեր են անհրաժեշտ, որպիսի ցույց տրվի, թե Ռուսաստանն ու ԱՄՆ-ը ոչ միայն կարող են դիմակայել միմյանց, ինչպես Վրաստանի հարցում, այլեւ համագործակցել: