Հայ-թուրքական հարաբերությունների կարգավորման հարցը շարունակում է մնալ Միացյալ Նահանգների օրակարգում, այսօր լրագրողների հետ հանդիպմանը հայտարարեց Հայաստանում ԱՄՆ դեսպան Մարի Յովանովիչը։
Նրա խոսքով, սահմանները պետք է բացվեն երկու երկրների միջև, որպեսզի մարդիկ կարողանան ազատ տեղաշարժվել, գործունեություն ծավալել, հաղորդակցվել.
«Շատ լավ կլինի, որ երկու կողմերն էլ առաջ շարժվեն ու վավերացնեն արձանագրությունները։ Մենք շարունակում ենք քաջալերել երկու երկրներին այդ հարցում»,- նշեց ԱՄՆ դեսպանը։
Մ.Յովանովիչը նշեց, որ քանի դեռ բաց չէ հայ-թուրքական սահմանը, իրենք փորձում են իրականացնել միջսահմանային ծրագրեր, որոնց արդյունքում երկու հասարակությունների ներկայացուցիչներն այցելում են միմյանց, շփվում, ծանոթանում։
