1936-ի օգոստոսի 1-ին Օրան քաղաքում ծնվել է Իվ Սեն Լորանը՝ ֆրանսիացի արիստոկրատների ընտանիքում:
Նրա առաջին մոդելները տիկնիկներն էին: Նրանց համար ապագա հայտնի մոդելավորողը հագուստներ էր կարում՝ ոգեշնչվելով արևելյան շուկայից: 17 տարեկանում նա իր ուժերն է փորձում դիզայներների մրցույթում՝ չկասկածելով անգամ, որ իր աշխատանքներին կշնորհվի առաջին մրցանակը:
Նկարչության կուրսեր անցնելով Փարիզում՝ 1955-1975-ին Քրիստիան Դիորի հրավերով Լորանն աշխատել է որպես նրա օգնական: Սեն Լորանը 21 տարեկան էր, երբ ղեկավարի անսպասելի մահից հետո դարձավ «Դիոր»-ի գեղարվեստական տնօրեն:
1958-ին Լորանը թողարկել է իր առաջին ուրվագծային «Տրապեցիա» հավաքածուն:
1961-ին Բերժեի հետ միասին Իվ Սե Լորանը բացում է սեփական նորաձևության տունը: Նորաձևության մեջ իսկական հեղափոխականը առաջինն էր, որ կնոջը հագցրեց սմոքինգ: «Կանացի հագուստում ամենակարևորը կինն է, ով այն կրում է»,- ասել է դիզայները:
Նա ստեղծել է բույրեր, կոստյումներ և դեկորացիաներ՝ թատրոնի, բալետի և ֆիլմերի համար, իսկ Լուիս Բոնելի ֆիլմում դերասանուհի Քաթրին Դենևի զգեստների համար Սեն Լորանը արժանացել է «Օսկարի»:
Սեն Լորանը մահացել է 2008-ի հունիսի 1-ին, Փարիզում գտնվող իր առանձնատանը՝ գլխուղեղի քաղցկեղից: