«Առաջին լրատվական»-ի տեղեկություններով` արդարադատության նախկին փոխնախարար Եղիշե Կիրակոսյանը նշանակվել է Սահմանադրական դատարանի նախագահ Գագիկ Հարությունյանի խորհրդական:
Հիշեցնենք, որ Եղիշե Կիրակոսյանն աշխատանքից ազատվեց արդարադատության նախարար Հովհաննես Մանուկյանի նշանակումից հետո, քանի որ համարվում էր նախկին նախարար Հրայր Թովմասյանի կադր: Այնուհետեւ խոսակցություններ շրջանառվեցին, որ նա աշխատանքի է անցնելու դատախազությունում, բայց վերջնական որոշումը, փաստորեն, նրան ՍԴ ուղարկելն է եղել:
Նշենք, որ Եղիշե Կիրակոսյանը բավականին երիտասարդ լինելով հանդերձ` իրավաբանական գիտությունների թեկնածու է: