«ՏՏ ոլորտը և՛ դրական, և՛ բացասական զարգացումներ ունի: Դրականն այն է, որ այն զարգանում է, ընդ որում՝ արագ տեմպերով, և փառք Աստծո, մեր մասնագետները բավականին արագ տիրապետում են բոլոր նոր տեխնոլոգիաներին: Ամենակարևորը՝ երիտասարդությունը հետաքրքրված է, խոստումնալից երիտասարդներ ունենք: Խնդիրը մեկն է, որը միշտ է եղել՝ թե՛ նախկինում, թե՛ հիմա. կադրերի պակասը: Դա զգացվում է և՛ ուսումնական հաստատությունների ոչ բավարար ծրագրերի, և՛, ցավոք սրտի, երկրում արտագաղթի պատճառով: Սրանք այն կարևոր խնդիրներն են, որոնց առջև մենք կանգնած ենք»,- «Առաջին լրատվական»-ի հետ զրույցում ասաց ՕՐԱՔԼ խմբի համահիմնադիր Հարություն Զմբլյանը:
Նա անդրադարձավ նաև «Դեմ եմ» շարժմանը՝ նշելով, որ շատ ավելի կարևոր էրայն, որ մեր երիտասարդները զարթնեցին, մենք ստացանք շարժում, որը բոլորը կարծում էին՝երբեք չի լինի:
«Ծրագրավորողներըինքնամփոփ մարդկանց տպավորություն էին թողնում, իսկ հիմա տեսան, որ նրանք կարող են պայքարել, իսկ պայքարը մեկ օրում չի լինում, պայքարը պետք է շարունակական լինի.եթե ինչ-որ հարցեր բավարարվել են, շատ լավ է, եթե ինչ-որ հարցեր մնացել են, ուրեմն երիտասարդները պետք է շարունակեն պայքարը»,-հավելեց զրուցակիցս:
Նրա խոսքով՝ երիտասարդները ոչ թե մտահոգված էին գումարների պահումների պատճառով, այլ նրանց հետաքրքրում էր ընդհանրապես արդարության ոլորտը երկրում:
Ավելին՝տեսանյութում: